(24 نیوز)پہلوانوں کے شہر کی بہادر لڑکی نے ڈاکوئوں سے اسلحہ چھین کر واردات ناکام بنا دی ۔
تفصیلات کے مطابق گوجرانوالہ کی بسمہ نامی ایک بہادر لڑکی نے خوفناک صورتحال میں رد عمل ظاہر کرنے میں کوئی ہچکچاہٹ محسوس نہیں کی، جب موٹر سائیکل پر سوار دو ڈاکوؤں نے اسے دھمکایا اور اس کا پرس چھیننے کی کوشش کی۔ یہ واقعہ اس وقت پیش آ یا جب بسمہ شاہد اپنی والدہ کے ہمراہ بنک جا رہی تھی تب ہی دو مسلح ڈاکوئوں نے گلشن کا لو نی جی ٹی روڈ پر طالبہ اور اسکی والدہ کو ذبردستی روک کر پرس چھیننے کی کو شش کی ۔طالبہ بسمہ شاہد نے جرات کا مطا ہرہ کر تے ہو ئے ڈاکو سے پستول چھین لیا۔طالبہ اور ڈاکوئوں کے درمیان مزاحمت کو دیکھتے ہو ئے شہری بھی موقع پر جمع ہو گئے .شہریوں نے طالبہ کے ساتھ ملکر دو نوں ڈاکوئوں کو پکڑ کر پولیس کے حوالے کر دیا ۔
کینٹ پولیس نے دونوں ڈاکوئوں کو گرفتار کر کے مقدمہ درج کر لیا۔اس سارے واقعے کے بعد اس بہادر لڑکی نے اس نے اپنے ٹک ٹاک اکاؤنٹ کے لیے ویڈیو بنائی جب ڈاکو سڑک پر لیٹ کر رحم کی بھیک مانگ رہے تھے۔