حکومت کا 2 ماہ کیلئے قانونی شکار کی اجازت کا اعلان

(کومل اسلم) پنجاب میں یکم دسمبر2023 تا 31جنوری 2024 تک 2 ماہ کیلئے تیتر کے قانونی شکار کی اجازت کا اعلان کر دیا گیا لیکن پروٹیکٹڈ ایریاز میں ہر قسم کا شکار ممنوع ہے۔
پنجاب حکومت کی جانب سے صوبہ بھر میں 2 ماہ کے لئے  تیتر کے قانونی شکار کی اجازت دے دی گئی، قانونی شکار کی مدت یکم دسمبر2023 تا 31جنوری 2024 تک کی ہے، اس دورانیے میں پروٹیکٹڈ ایریاز میں ہر قسم کا شکار ممنوع ہو گا، شکارمستند اسلحہ و شوٹنگ لائسنس کیساتھ محض اتوار کو کھیلا جاسکتا۔

یہ بھی پڑھیں: فاقوں کا خدشہ منڈلانے لگا

شکار کیلئے کالے، بھورے اور سی سی تیتر کی مقررہ حد وائلڈ لائف ایکٹ کے شیڈول ون کے مطابق ہو گی، شکار صرف کھلی تحصیلوں میں کھیلنے کی اجازت ہو گی، شکار میں مستند گن ڈاگ کے قبضہ لائسنس کی صورت میں استعمال کی اجازت ہو گی اور گاڑی میں بیٹھ کر یا کھڑے ہو کر شکار کی ممانعت ہو گی۔

مراسلے کی کاپی پاکستان رینجرز پنجاب، تمام ڈویژنل کمشنرز، تمام ڈی آئی جیز، اور تمام ڈپٹی کمشنرز کو بھی ارسال کردی گئی ہے۔