امریکی پولیس نے مدد کیلئے بلانیوالے شخص کو ہی قتل کر ڈالا,شہر میں خوف و ہراس پھیل گیا

(ویب ڈیسک) امریکی شہر لاس ویگاس میں ایک خوفناک واقعہ پیش آیا جب پولیس نے مدد کے لیے بلانے والے شہری کو ہی قتل کر ڈالا۔

غیر ملکی میڈیا کے مطابق پولیس وردی میں لگے کیمرے میں مناظر قید ہوئے جس میں دیکھا گیا کہ لاس ویگاس کے ایک پولیس اہلکار نے گھر پر حملہ کرنے والی خاتون سے نمٹنے کی کوشش کرنے والے شخص پر گولیاں چلائیں، واقعے نے پورے امریکا کو ہلا کر رکھا دیا۔

واقعہ کچھ یوں پیش آیا جب ایک خاتون نے برینڈن نامی شہری کے گھر میں گھس کر مبینہ طور پر اس پر حملہ کرنے کی کوشش کی جس پر اس نے مدد کے لیے 911 پر کال کر کے پولیس کو بلایا۔

ویڈیو میں دکھایا گیا کہ پولیس افسران مذکورہ گھر تک پہنچے اور دروازہ توڑ کر گھر میں داخل ہوگئے۔

 اسی دوران پولیس اہلکاروں کو گھر کی راہدادری سے چیخوں کی آوازیں سنائی دیں، پولیس اہلکار اپنے ہاتھ میں پستول پکڑ کر جب آگے بڑھا تو دیکھا کہ ایک مرد ایک عورت پر قابو پانے کی کوشش کررہا ہے جبکہ کسی کے ہاتھ میں چھری بھی موجود ہے۔

اس صورتحال کو دیکھ کر پولیس اہلکار چلا کر چھری پھینکنے کا کہتا ہے اور پھر بغیر کچھ سوچے سمجھے مرد پر گولیوں برسا دیتا ہے، ایک گولی سر پر لگنے سے وہ شخص ہلاک ہوجاتا ہے، پولیس اہلکار فوراً ہی مرد کے بے جان جسم تک پہنچتا ہے اور مزید 5 گولیاں داغ دیتا ہے۔

یہ بھی پڑھیں : دفعہ 144 نافذ

یہ تمام صورتحال رونما ہوجانے کے بعد پولیس اہلکاروں کو معلوم ہوتا ہے کہ انہوں نے جس شخص کو قتل کیا اصل میں وہی اس گھر کا مکین تھا جس نے اپنے گھر میں خاتون کے گھسنے کے بعد مدد کے لیے پولیس کو کال کی تھی۔

43 سالہ برینڈن ڈرہم نے مدد کے لیے 911 پر کال کی تھی جب انہیں شبہ ہوا کہ ان کے گھر کے باہر کچھ افراد فائرنگ کر رہے ہیں اور اگلے اور پچھلے دروازوں سے اس کے گھر میں داخل ہوئے ہیں، انہوں نے خود کو باتھ روم میں بند کر لیا اور 911 کے آپریٹر کو بتایا کہ وہ اپنی 15 سالہ بیٹی کے ساتھ گھر کے اندر ہیں۔

پولیس نے خاتون الیجینڈرا بوڈریو کو گھر پر حملہ کرنے کے ساتھ ساتھ مہلک ہتھیار سے حملہ کرنے، بچوں سے زیادتی اور گھریلو تشدد کے الزام میں گرفتار کیا ہے۔ خوش قسمتی سے جب پولیس اہلکار نے برینڈن پر گولی چلائی تو وہ زخمی نہیں ہوئیں۔