راحت فتح علی خان اور سنجے دت کی ملاقات کے چرچے، ویڈیو وائرل
Stay tuned with 24 News HD Android App
(ویب ڈیسک)مشہور پاکستانی گلوکار راحت فتح علی خان اور بالی ووڈ سٹار سنجے دت کی ایک کنسرٹ کے دوران ملاقات کی تصاویر اور ویڈیوز سوشل میڈیا کی زینت بنا گئیں۔
عالمی شہرت یافتہ موسیقار راحت فتح علی نے فوٹو اینڈ ویڈیو شیئرنگ ایپ انسٹاگرام پر تین پوسٹس شیئر کیں جن میں وہ سنجے دت کے ساتھ ہنستے بولتے نظر آئے۔
یہ ویڈیو راحت فتح علی خان کے دبئی میں ہونے والے ایک کنسرٹ کے بیک اسٹیج کی ہے جہاں سنجے دت بھی موجود تھے۔ اس ویڈیو میں دونوں شخصیات کو خوشگوار انداز میں ایک دوسرے سے بات کرتے اور دوبارہ ملاقات کا منصوبہ بناتے ہوئے دیکھا جا سکتا ہے۔
اس ویڈیو اور تصاویر کو سوشل میڈیا صارفین کی جانب سے بے حد پسند کیا جا رہا ہے۔ ویڈیو میں دونوں فنکاروں کی محبت اور ایک دوسرے کیلئے عزت و احترام کو دیکھا جاسکتا ہے۔
راحت فتح علی خان اپنی کلاسیکل موسیقی اور بہترین گائیکی کی وجہ سے دنیا بھر میں مشہور ہیں انہوں نے اپنی موسیقی کے ذریعے عالمی سطح پر ایک خاص مقام حاصل کیا ہے۔
ان کا مشہور گانا "ضروری تھا" پہلا پاکستانی گانا تھا جس نے یوٹیوب پر ایک ارب ویوز کا سنگِ میل عبور کیا۔ راحت فتح علی خان نے کئی ہٹ گانے، غزلیں اور قوالیاں گائیں ہیں، اور ان کے فیس بک پر 8.2 ملین فالوورز ہیں۔
یاد رہے کہ بھارتی فلم انڈسٹری کے ستارے بھی راحت فتح علی خان کی گائیکی اور شخصیت کی بے حد تعریف کرتے ہیں۔