رکن اسمبلی مہنگائی کے خلاف احتجاجاً پیٹ پر پتھر باندھ کر اسمبلی پہنچ گئے۔۔ویڈیو وائرل

 (ما نیٹرنگ ڈیسک) مسلم لیگ (ن) کے رکن اسمبلی اختیار ولی مہنگائی کے خلاف احتجاجاً پیٹ پر پتھر باندھ کر خیبرپختونخوا اسمبلی پہنچ گئے۔جس کی ویڈیو بھی سو شل میڈیاپر وا ئرل ہو ئی ہے۔

نجی ٹی وی کی رپو رٹ کے مطابق خیبرپختونخوا اسمبلی کے اجلاس میں مسلم لیگ ن کی رکن اسمبلی ثوبیہ شاہد نے پلے کارڈ اٹھا کر اسپیکر ڈائس کے سامنے احتجاج شروع کیا تو اپوزیشن پارٹیوں کے دیگر ارکان نے بھی احتجاج میں ان کا ساتھ دیا۔ ارکان نے ہاتھوں میں پلے کارڈ بھی اٹھا رکھے تھے اور حکومت کے خلاف شدید نعرے بازی کی۔ اسی دوران مسلم لیگ (ن) کے رکن اسمبلی اختیار ولی احتجاجاً پیٹ پر پتھر باندھ کر اسمبلی آئے اور کہا کہ حکمرانوں کو غریبوں کی بھوک کا احساس نہیں۔

یہ بھی پڑھیں:سب انسپکٹر کی تیز رفتار گاڑی نے2لڑکیوں کو کچل دیا ۔۔بچے ویڈیو مت دیکھیں

لیگی رہنما اختیار ولی خان کا مہنگائی کے خلاف سخت احتجاج
پشاور: رکن اسمبلی اختیار ولی پیٹ پر پھتر باند کر اسمبلی ہال میں داخل ہوئے
غریب لوگ کچرا کنڈی سے خوراک تلاش کرنے پر مجبور ہیں ,اختیار ولی حکمرانوں کو غریبوں کی بھوک کا احساس نہیں' اختیار ولی
ایسے حالات میں چپ نہی بیٹھ سکتے pic.twitter.com/BFKuu8LRFE

— Ikhtiar wali (@ikhtiarwali) October 18, 2021