(ویب ڈیسک) کراچی کے علاقے قائد آباد میں گھر میں فائرنگ سے ایک شخص جاں بحق ہوگیا، پولیس نے مقتول کی دو بھتیجیوں کو حراست میں لے لیا ہے جبکہ بھتیجا فرار ہوگیا ہے۔
پولیس کے مطابق قائد آباد میں آفریدی کالونی کے ایک گھر میں فائرنگ سے پرویز نامی شخص جاں بحق ہوگیا، مقتول پرویز کو تشدد کے بعد گولی مار کر قتل کیا گیا۔
یہ بھی پڑھیے: ٹانک، منشیات فروشوں کے خلاف پولیس مقابلے میں 2 سالہ بچہ جاں بحق
پولیس کا کہنا ہے کہ مقتول کی 2 بھتیجیوں کو حراست میں لیا گیا ہے جبکہ مقتول پرویز کا بھتیجا فرار ہے، پرویز کے ساتھ اسکی بھتیجیاں ایک ماہ سے رہ رہی تھیں۔ واقعہ کے بعد دونوں لڑکیاں بھی فرار ہو رہی تھیں، اہل محلہ نے لڑکیوں کو روکا اور پولیس کے حوالے کیا۔
پولیس کے مطابق مقتول کے قتل سے متعلق زیر حراست لڑکیاں کوئی بیان نہیں دے رہیں۔ مقتول پرویز نے اپنے بھائی کو قتل کیا تھا اور بھائی کے قتل کیس میں جیل کاٹ کر آیا تھا۔