اسرائیل کی غزہ ہسپتال پر بمباری منظم ریاستی دہشتگردی ہے، او آئی سی

(ویب ڈیسک)  تنطیم تعاون اسلامی (  او آئی سی )  نے اسرائیل کی غزہ کے ہسپتال پر  بمباری کی  شدید  مذمت کرتے ہوئے اسے منظم ریاستی دہشتگردی اور جنگی جرم قرار دیا ہے۔ 

او آئی سی  کی جانب سے  جاری اعلامیہ کے مطابق سعودی عرب کی دعوت پر او آئی سی کا ہنگامی اجلاس ہوا جس میں اسرائیل کی غزہ پر جارحیت کے حوالے سے تبادلہ خیال کیا گیا۔

اجلاس میں اسرائیل کی غزہ کے ہسپتال پر بمباری کی شدید مذمت کی گئی اور اسے  منظم ریاستی  دہشتگردی اور  جنگی جرم قرار دیتے ہوئے مطالبہ کیا گیا کہ جنگی جرائم میں ملوث عناصر کو سزا ملنی چاہیے۔

مزید پڑھیں:  پاکستانی کرکٹرز کا فلسطین سے اظہار یکجہتی

اعلامیہ میں فلسطینی عوام کے ناقابل تنسیخ حقوق کی حمایت، حق خود ارادیت اور فلسطینی پناہ گزینوں کی واپسی کے عزم پر زور دیا گیا۔