فلسطینی بچی کا مسلم دنیا کے محض مذمتی بیان پر سخت ردِ عمل

(ویب ڈیسک) اسرائیل کی جانب سے فلسطین میں جاری خونریزی پر مسلم ممالک کی جانب سے ٹھوس اقدام لینے کے بجائے محض مذمتی بیانات دینے پر ایک فلسطینی بچی کا سخت ردِ عمل زیرِ گردش ہے۔ 

اسرائیل کی جانب سے کیے جانے والے حملوں کے نتیجے میں اب تک 18ہزار سے زائد فلسطینی شہید اور متعدد زخمی ہوگئے ہیں۔ جس کی تصاویر اور ویڈیوز نے دنیا بھر کے عوام کو اشکبار کر رکھا لیکن اس  معاملے پر بااقتدار سربراہ بھی فقط مذمتی بیان جاری کرتے نظر آرہے ہیں۔

میں #فلسطینی ہوں، میں اپنے حق کے لئے لڑ رہی ہوں، مسلم دنیا بس مذمتی بیان جاری کرے جس کی #فلسطين کو کوئی ضرورت نہیں، #غزة_تُباد #غزة_تحت_الركام #فلسطين_الان pic.twitter.com/iDxwjj0xHF

— ترکیہ اردو (@TurkiyeUrdu_) October 18, 2023

جہاں فلسطینی شہداء اور زخمیوں کے قیامت خیزمناظر نے سوشل میڈیا پر قیامت برپا کر رکھی ہے وہیں اب ایک زخمی بچی کے مسلم ممالک کے سربراہوں کے نام جاری پیغام نے سب کو حقیقت کا آئینہ دکھا دیا ہے۔

سوشل میڈیا پر وائرل ہونے والی ویڈیو میں بچی کہہ رہی ہے کہ ' میں ایک فلسطینی ہوں، میں اپنے حق کے لئے لڑ رہی ہوں، مسلم دنیا بس مذمتی بیان جاری کرے جس کی فلسطين کو کوئی ضرورت نہیں۔'

مزید پڑھیں: فلسطینیوں کے قتل عام پر جمائما بھی بول پڑیں

دوسری جانب مصر نے اسرائیلی حملے کی مذمت کرتے ہوئے کہا کہ عالمی برادری کو ایسی خلاف ورزیوں کو روکنے کے لیے فوری مداخلت کرنی چاہیے۔ کینیڈا کے وزیر اعظم جسٹن ٹروڈو نے کہا کہ غزہ کے اسپتال پر اسرائیلی حملہ “خوفناک اور قطعی طور پر ناقابل قبول” اور ناقبل معافی ہے۔

ترکیہ کے صدر رجب طیب اردگان نے کہا کہ غزہ کے اسپتال پر حملہ “اسرائیل کے حملوں کی تازہ ترین مثال ہے جو بنیادی انسانی اقدار سے مبرا ہے۔ 

#غزة کے اسپتال کی نرس رو رو کر دنیا کو ہونے والی تباہی بتا رہی ہے، اسپتال میں دوائیاں ہیں اور نہ ہی بیڈ، زخمیوں کے علاج کی جگہ نہیں بچی، طبی عملہ اور ڈاکٹر تھک چکے ہیں، ایسی صورتحال پہلے کبھی نہیں دیکھی، #غزة_تُباد #غزة_تستغيث pic.twitter.com/a4UeMOP0cv

— ترکیہ اردو (@TurkiyeUrdu_) October 19, 2023

 دوسری جانب غزة کے ہسپتال کی نرس رو رو کر دنیا کو ہونے والی تباہی بتا رہی ہے، ہسپتال میں دوائیاں ہیں اور نہ ہی بیڈ، زخمیوں کے علاج کی جگہ نہیں بچی، طبی عملہ اور ڈاکٹر تھک چکے ہیں، اُن کا کہنا تھا کہ ایسی صورتحال پہلے کبھی نہیں دیکھی۔