اسرائیلی اہلکار کا بھارتی میزبان کی ساڑھی کے رنگوں پر اعتراض،خاتون اینکر نے کھڑی کھڑی سنادی

(ویب ڈیسک) جنون میں مبتلا اسرائیلیوں کو فلسطین کی حمایت کا خوف ہرطرف نظر آنے لگا اور ایک اسرائیلی نے بھارتی خاتون اینکر کے لباس پر بھی اعتراض اٹھادیا۔

 غیر ملکی میڈیا کے مطابق اسرائیلی انٹیلی جنس اسپیشل فورسز کے اہلکارنے بھارتی ٹی وی کی میزبان کے کپڑوں پر اعتراض اٹھاتے ہوئے کہا کہ آپ فلسطینی پرچم والا لباس پہنے ہوئے ہیں مگر جان لیں کہ اسرائیلی پرچم غالب رہے گا۔

My Dear Departed Grandmother's Saree Upset My Guest From #Israel This Evening. For Once I Was At A Loss Of Words. pic.twitter.com/uxaEWiqUza

— Shreya Dhoundial (@shreyadhoundial) October 18, 2023

میزبان نے اسرائیلی اہلکار کو جواب دیتے ہوئے بتایا کہ انہوں نے اپنی دادی کی 105 ویں سالگرہ منانے کے لیے دادی ہی کی یہ سرخ اور سبز ساڑھی پہنی ہے۔

میزبان کا جواب سن کر اسرائیلی اہلکار نے ٹوکا کہ یہ کسی اور موقع کے لیے سنبھال کر رکھیں جس پر میزبان نے اسرائیلی اہلکار کو جھڑک دیا اور کہا وہ کسی کے ڈکٹیشن پر نہیں چلتیں کہ کیا پہننا ہے اور کیا کہنا ہے۔