کتے کی پانچویں منزل سے چھلانگ، ویڈیو دیکھ کر سب حیران رہ گئے

(24 نیوز )کہتے ہیں کہ جب پوری کائنات آپ کو نقصان پہنچانے پر لگی ہو اور ایک صرف اللہ آپ کی حفاظت پر ہو تو کوئی کچھ نہیں بگاڑ سکتا۔

ایسا ہی ایک واقعے کی ویڈیو  سوشل میڈیا پر وائرل ہو رہی ہے ، جسے دیکھنے کے بعد ہر کوئی صرف ایک ہی بات کہہ رہا ہے کہ ’’جسے اللہ رکھے اسے کون چکھے ‘‘، سوشل میڈیا پر وائرل ہونے والی ویڈیو میں دیکھا جا سکتا ہے کہ ایک کتا  زیر تعمیر بلڈنگ کی پانچویں منزل پر  گھوم رہا ہے ،معلوم ایسے ہوتا ہے کہ وہ غلطی سے وہاں پہنچا ہے اور اب راستہ تلاش کرنے کی کوشش کر رہا ہے لیکن راستہ نہیں مل رہا ایسی ہی بے دھیانی کے عالم میں کتا پانچویں منزل سے چھلانگ لگا دیتا ہے ۔

کتے کی چھلانگ لگانے پر دیکھنے والوں کی سانس حلق میں اٹک  کر رہ جاتی ہے ، لیکن حیرت کی انتہا اس وقت ہوئی جب کتا پانچویں منزل سے نیچے دیوار سے ٹکرانے اور دھرم سے زمین پر گرنے کے باوجود صحیح سلامت اٹھ کر بھاگنا شروع کر دیتا ہے ۔

Dog continues walking normally after jumping from 5th floor pic.twitter.com/flPLZxDiVi

— Crazy Clips (@crazyclipsonly) October 18, 2023

ویڈیو کو اب تک 17 ملین سے زائد بار دیکھا جا چکا ہے، ویڈیو شیئر کرنے والے پیج  نے یہ نہیں بتایا کہ یہ ویڈیو کہاں کی ہے ، لیکن انسانیت کا درد اور جانوروں سے محبت کرنے والے لوگ اس ویڈیو کو خوب شیئر کر رہے ہیں ۔