انڈے مزید مہنگے، مرغی کا گوشت بھی من مانے نرخوں پر فروخت 

 (24  نیوز)  مہنگائی کے مارے عوام کے لئے ایک اور بری خبر سامنے آگئی ،ملک میں  انڈے  اور برائلر کا گوشت  مزید مہنگا ہو گیا۔ 

 مرغی کے گوشت کی بھی  من مانے نرخوں پر فروخت جاری ہے۔سرکاری نرخنامے کے مطابق فی کلو برائلر گوشت کی قیمت 595 روپے کلو مقرر کی گئی ہے، زندہ برائلر مرغی کی پرچون قیمت 411 روپے فی کلو جبکہ تھوک قیمت 397 پر مستحکم ہے۔

 مختلف مقامات پر دکانداروں کی جانب سے گراں فروشی کا سلسلہ جاری ہے، صارفین کے مطابق مختلف علاقوں میں برائلر گوشت 650 روپے سے 670 روپے کلو تک فروخت کیا جارہا ہے۔

سرکاری نرخنامے میں فارمی انڈے مزید مہنگے ہو گئے ہیں، فی درجن قیمت میں ایک روپے کے اضافے سے نرخ 303 روپے تک پہنچ گئے ہیں۔