(24نیوز)وزیراعظم شہباز شریف کا مولانا فضل الرحمان کی رہائش گاہ پر موجود حکومتی قانونی ٹیم سے رابطہ ہوا ہے۔
ذرائع کے مطابق حکومت کی جانب سے آئینی ترمیم سے متعلق حتمی مسودہ مولانا فضل الرحمان کو دیدیا گیا، سربراہ جے یو آئی نے مشاورت کیلئے مزید ایک دن کا وقت مانگ لیا۔
ذرائع کامزید کہنا ہے کہ وزیراعظم شہباز شریف کا مولانا فضل الرحمان کی رہائش گاہ پر موجود حکومتی قانونی ٹیم سے رابطہ کیا،وزیراعظم نے حکومتی ٹیم کے ساتھ اہم سیاسی امور پر مشاورت کی،آئینی ترامیم پر معاملات پر پیشرفت کا جائزہ لیا۔ قانونی ٹیم نے مولانا فضل الرحمان سے ہونے والی بات چیت سے وزیراعظم کو آگاہ کیا۔