(ویب ڈیسک) معروف اداکارہ عائزہ خان نے کہا ہے کہ انہوں نے اپنے کام سے رشتوں کی اہمیت کوسمجھا ہے۔
عائزہ خان نے برطانیہ میں فلسطینیوں کیلئے منعقدہ ایک چیریٹی تقریب میں شرکت کی جہاں اپنے کام سمیت مختلف موضوعات پرکھل کر گفتگو کی۔
معروف اداکارہ نے ایک سوال کا جواب دیتے ہوئے کہا کہ میں ایسے پروجیکٹ کا انتخاب کرنے کی کوشش کرتی ہوں جس کے ذریعے میں ناظرین کو کوئی پیغام دے سکوں،میرا یہ ماننا ہے کہ دیکھنے والوں کو کچھ سبق بھی دیا جانا چاہیے۔
عائزہ خان نے بتایا کہ بعض اوقات یہ ضروری نہیں ہوتا کہ پیغام صرف سامعین کے لیے ہو،آپ ایک شخص کے طور پر بھی حالات سے سیکھتے ہیں۔
اداکارہ نے مثال دیتے ہوئے کہا کہ میں نے مبشریٰ جعفر کے کردار سے سیکھا کہ کیسے اپنے غصے پر قابو پانا چاہیے،اسی طرح میرا مشہور کردار مہوش بھی رہا ہے جس سے میں نے سیکھا کہ پیار کرنے والوں کی بہت قدر کرنی چاہیے تو میں اپنے شوہر دانش کی بہت قدر کرتی ہوں،میں بالکل اپنے شوہر کو تنگ نہیں کرتی وہ جو کہتے ہیں میں مان لیتی ہوں۔