(آئمہ خان،ایاز رانا)مہنگا سونا ایک بار پھر مہنگا ہوگیا ،فی تولہ سونے کی قیمت 800 روپے اضافہ ہوگیا ۔
صرافہ مارکیٹ کے نئے ریٹ سامنے آگئے،نئے ریٹس کے مطابق فی تولہ سونا 800 روپے مہنگا ہوگیا ،فی تولہ سونا 2 لاکھ 68 ہزار 500 روپے کا ہو گیا۔
10 گرام سونا 2 لاکھ 30 ہزار 195 روپے کا ہوگیا،عالمی مارکیٹ میں سونا 8 ڈالر اضافے سے 2577 ڈالر فی اونس ہوگیا،ایک تولہ چاندی 2950 روپے پر برقرار ہے۔
ضرورپڑھیں:کرنٹ اکاؤنٹ خسارے میں تیزی سے کمی، 4 ماہ بعد سرپلس ہوگیا
گزشتہ روز ملک بھر میں سونے کی فی تولہ قیمت میں معمولی کمی دیکھنے میں آئی، سونے کی فی تولہ قیمت میں 300 روپے کی کمی ہوئی ہے جس کے بعد فی تولہ سونا 2 لاکھ 67 ہزار 700 روپے کا ہوگیا تھا، اسی طرح 10 گرام سونے کی قیمت میں 257 روپے کی کمی آئی جس کے بعد قیمت 2 لاکھ 29 ہزار 510 روپے ہوگئی جبکہ عالمی مارکیٹ میں سونا 18 ڈالر کی کمی سے 2569 ڈالرز فی اونس کا ہوگیا تھا ۔