پاکستان انٹرنیشنل اٹامک انرجی ایجنسی کے بورڈ کا رکن منتخب

(24 نیوز ) پاکستان کیلئے معاشی میدان سے ایک کے بعد ایک اچھی خبر  آ رہی ہے ۔

تفصیلات کے مطابق پاکستان کو انٹرنیشنل اٹامک انرجی ایجنسی (آئی اے ای اے) کے بورڈ آف گورنرز کا رکن منتخب کرلیا گیا ہے،آسٹریا میں پاکستانی سفارت خانے کی جانب سے جاری بیان میں بتایا گیا کہ پاکستان کو ستمبر 2024 سے شروع ہونے والی دو سالہ مدت کے لیے انٹرنیشنل اٹامک انرجی ایجنسی (IAEA) کے بورڈ آف گورنرز کا رکن منتخب کیا گیا ہے۔

سفارت خانے نے بتایا کہ پاکستان بورڈ آف گورنرز کا اکیسویں دفعہ ممبر بنا ہے، جو کہ پاکستان کے دیرینہ عزم اور آئی اے ای اے کے ساتھ تعاون کا مضبوط اعتراف ہے،سفارت خانے کی جانب سے جاری بیان میں کہا گیا کہ یہ ممبر شپ پاکستان کے آئی اے ای اے میں فعال کردار کا عکاس ہے۔