میری والدہ کو  بچالیا، راکھی کاسلمان خان کیلئےانو کھا انداز تشکر

 (24نیوز)بھارت کی متنازع شخصیت اور  بالی وڈ اداکارہ راکھی ساونت والدہ کی کامیاب کینسر  سرجری  میں معاونت کرنے پر بالی وڈ سپر اسٹار سلمان خان اور  ان کے بھائی اداکار سہیل خان کی معترف ہو گئیں۔

تفصیلات کے مطابق سوشل میڈیا پر راکھی کی ایک ویڈیو وائرل ہو رہی ہے جس میں وہ بتا رہی ہیں ان کی والدہ کا  آپریشن ہو گیا ہے اور ڈاکٹرز  نے ان کی والدہ کے جسم سے ٹیومر نکال دیا ہے۔راکھی کے مطابق ڈاکٹر کا کہنا ہے کہ اگر  ان کی والدہ کو صحیح وقت پر ہسپتال نا لایا جاتا تو ان کو بچانا مشکل تھا۔ویڈیو میں راکھی کو  والدہ کے آپریشن میں مدد فراہم کرنے پر گھٹنوں کے بیٹھ گر کر سلمان خان کا شکریہ اداکرتے دیکھا جاسکتا ہے۔

View this post on Instagram

A post shared by Viral Bhayani (@viralbhayani)

واضح رہے کہ راکھی کا کہنا تھا کہ سلمان بھائی نے انہیں والدہ کے آپریشن کے لیے بھارت کے سب سے بڑے ڈاکٹر اور کینسر اسپیشلسٹ دیے جس پر ان کی بے حد شکر گزار ہوں۔ راکھی ساونت نے سلمان خان اور سہیل خان کے لیے دعا کرتے ہوئے مزید کہا کہ میری تمام عمر سلمان اور سہیل بھائی کو لگ جائے جنہوں نے میری والدہ کو  بچا لیا۔

خیال رہے کہ گزشتہ دنوں راکھی ساونت نے رئیلٹی شو ’بگ باس‘ کے 14 ویں سیزن کے فائنل میں پہنچ کر شو کو چھوڑ دیا تھا اور  14 لاکھ روپے کی رقم لے لی تھی۔اس کے بعد راکھی نے بتایا تھاکہ کینسر کا شکار ماں کے علاج کیلئے فائنل نہ کھیلنے اور پیسے لیکر شو چھوڑ دیا تھا جبکہ انہوں نے والدہ کو علاج کروانے پر سلمان خان کا شکریہ ادا کیا تھا۔
 یہ بھی پڑھیں:    سندھ حکومت کا کینسر میں مبتلا اداکارہ نائلہ جعفری کی مالی امدادکااعلان