عیدالفطر کےبارے میں وفاقی وزیر کا اہم اعلان

(24 نیوز)وفاقی وزیر  برائے مذہبی امور مفتی عبدالشکور نے کہا ہے کہ اس بار ملک بھر میں عید الفطر ایک ہی دن کو ہو گی۔

24 نیوز کے ساتھ اظہار خیال کرتے ہوئے مفتی عبدالشکور  نے کہا کہ عید کے حوالے سے میں پرائیویٹ کمیٹیوں ساتھ رابطوں میں رہوں گا۔ وفاتی وزیر نے کہا کہ عید کا چاند دیکھنے سے متعلق میں پہلے سے بہت کام کر چکا ہوں،  میں یقین سے کہتا ہوں پاکستان میں ایک ہی عید ہوگی۔مفتی عبدالشکور کا مزید کہنا تھا کہ ملک کے کسی کونے سے بھی شرعی گواہی ملی تو اس کی بنیاد پر عید کا اعلان کریں گے۔ انہوں نے کہا کہ عید کی چاند سے متعلق شہادتوں کو خود پرکھوں گا۔

یہ بھی پڑھیں: محمد عامر کا انگلش کاؤنٹی کرکٹ سے معاہدہ