(ویب ڈیسک) شوبز انڈسٹری کی نامور اداکارہ رباب ہاشم کے ہاں بیٹی کی پیدائش ہوئی ہے۔
فوٹو اور ویڈیو شیئرنگ ایپ انسٹاگرام پر اداکارہ رباب ہاشم نے بتایا کہ ان کے گھر ننھی پری کی آمد ہوئی ہے جس کا نام انہوں نے ’مائیشا صہیب‘ رکھا ہے۔
رباب ہاشم نے لکھا کہ رمضان المبارک کے آخری چند دن ہمارے لیے رحمتوں سے بھرے رہے۔
اداکارہ نے لکھا کہ ’ہماری چھوٹی منچکن، مائیشا صہیب علی نے آکر ہماری دنیا کو محبت، خوشی اور لامتناہی نعمتوں سے بھر دیا، الحمدللہ۔‘
انہوں نے مداحوں سے دعاؤں کی درخواست کرتے ہوئے لکھا کہ ’براہ کرم ہمیں اپنی دعاؤں میں یاد رکھیں۔‘
رباب ہاشم کو بیٹی کی پیدائش پر شوبز شخصیات اور مداحوں کی جانب سے مبارک باد دی جارہی ہیں۔
یاد رہے کہ اداکارہ اے آر وائی ڈیجیٹل کے ڈرامہ سیریل ’انگنا۔‘ ’تمہارے ہیں۔‘ اور ’تم سے مل کر‘ سمیت متعدد ڈراموں میں اداکاری کے جوہر دکھا چکی ہیں۔