مسجدالحرام میں نوکیا فون سے سیلفی لیتے شخص کی ویڈیو وائرل 

(ویب ڈیسک) عمرے کے لیے گئے ایک شخص کی نوکیا فون سے سیلفی بناتے ہوئے  ویڈیو سوشل میڈیا پر وائرل ہوگئی ہے۔ 

ایسے دور میں جب اسمارٹ فون تقریباَ ہر دوسرے شخص کے ہاتھ میں نظر آتا ہے، سوشل میڈیا کے مختلف پیجز پر وائرل ہونے والی اس ویڈیو میں ایک شخص کو مسجدالحرام میں اپنے سستے اور پرانے ماڈل کے نوکیا فون سے اپنی سیلفی بناتے ہوئے دیکھا جاسکتا ہے۔

سوشل میڈیا صارفین کی جانب سے اس وائرل ویڈیو پر ملے جلے ردِ عمل کا اظہار کیا جارہا ہے۔

View this post on Instagram

A post shared by DIVA Magazine Pakistan (@divamagazinepakistan)

کچھ صارفین اس ویڈیو میں نظر آنے والے شخص کو مشکل مالی حالات کا سامنا ہونے کے باجود بھی عمرہ کرنے کی سعادت نصیب ہونے پر خوشی کا اظہار کر رہے ہیں۔

البتہ، کچھ صارفین اس سفید پوش شخص کی اجازت کے بغیر  اس کی یوں ویڈیو بنا کر سوشل میڈیا پر وائرل کرنے پر تنقید کرتے نظر آرہے ہیں۔