’جائیں اور ملک کا نام روشن کریں‘ علی ظفر نے اپنا وعدہ وفا کر دیا

(ویب ڈیسک) پاکستان کے معروف اداکار و گلوکار علی ظفر نے کک باکسر آغا کلیم سے کیا ہوا وعدہ وفا کر دیا۔

چند روز قبل پاکستان کیلئےگولڈ میڈل جیتنے والے کک باکسر آغا کلیم نے ٹوئٹر پر اپنی پراٹھے بنانے کی ویڈیو شیئر کرتے ہوئے مدد کی درخواست کی جس پر کرکٹر شاہد خان آفریدی اور اداکاروگلوکار علی ظفر نے ان کی اس درخواست پر لبیک کہا اور ہر لحاظ سے تعاون مہیا کرنے کی یقین دہانی بھی کروائی۔

We must value our national heroes, especially those who've brought us international pride, and never abandon them. The sports mafias that hold back such talent should be eradicated. I will support him financially.
He should return to the ring and fight again, and I'll train with… https://t.co/wVbr6SPS2H

— Ali Zafar (@AliZafarsays) April 8, 2023

کک باکسر آغا کلیم کے پیغام پر ردِ عمل دیتے ہوئے علی ظفر نے ان کی مالی معاونت کرنے کا اعلان کیا تھا اور ان کے غیر ملکی دوروں کا خرچ برداشت کرنے کی بھی حامی بھری تھی کیونکہ ان کا کہنا ہے کہ کھلاڑی ملک و قوم کا اثاثہ ہوتے ہیں۔ 

Keep making us proud champ ! #pakistanzindab https://t.co/wcxasRaZiT

— Ali Zafar (@AliZafarsays) April 15, 2023

گلوکار نے آغا کلیم سے ملاقات کی اور ان سے کیا ہوا معاشی معاونت کا وعدہ بھی پورا کر دیا جو کہ سوشل میڈیا پر صارفین کی توجہ کا مرکز ہے۔

یہ بھی پڑیں: اداکارعرفان خان کے انتقال کے 3 برس بعد آخری فلم کا ٹریلر جاری

باکسر آغا کلیم نے شوبز سٹار کا شکریہ ادا کرتے ہوئے ڈھیروں دعائیں دی جس پر سوشل میڈیا صارفین نے علی ظفر کے اس عمل کو خوب سراہا اور ان کو بے حد نرم دل اور نیک انسان بھی قرار دیا کیونکہ انہوں نے آگے بڑھ کر سب سے پہلے کک باکسر کی مدد کی۔ 

View this post on Instagram

A post shared by Galaxy Lollywood (@galaxylollywood)

واضح رہے کہ کک باکسر آغا کلیم نے پاکستان کی نمائندگی کرتے ہوئے ورلڈ موائے چیمپین شپ میں گولڈ میڈل اپنے  نام کیا تھا اور اب شاہد آفریدی اور علی ظفر کی جانب سے کی گئی مدد کی وجہ سے وہ جلد ہی دبئی روانہ ہوں گے جہاں وہ عالمی مقابلوں کیلئے تیاریاں کریں گے۔