(24نیوز)محکمہ موسمیات نے آج مختلف مقامات پر بارش اور ژالہ باری جبکہ کئی شہروں میں موسم خشک اور گرم رہنے کی پیش گوئی کردی۔
محکمہ موسمیات کا کہنا ہے کہ اسلام آباد اور گردونواح میں آندھی اورگرج چمک کیساتھ بارش کا امکان ہے جبکہ بونیر، مالاکنڈ، مانسہرہ، مری ،اٹک ، چکوال، جہلم، سیالکوٹ اور نارووال میں بھی بارش اور ژالہ باری متوقع ہے۔
محکمہ موسمیات کے مطابق بلوچستان کے بیشتر اضلاع میں تیز ہوائیں چلنے کا امکان ہے ، اس کے علاوہ گلگت بلتستان اور کشمیر میں گرج چمک کے ساتھ بارش اور ژالہ باری ہو سکتی ہے۔
یہ بھی پڑھیں:محکمہ موسمیات نے کراچی کے شہریوں کیلیے الرٹ جاری کردیا
پنجاب کے وسطی اور جنوبی اضلاع میں گرد آلود ہوائیں چلیں گی ،تاہم پنجاب اور سندھ کے بیشتر اضلاع میں موسم شدید گرم اور خشک رہے گا۔