پاک ویسٹ انڈیز ٹیسٹ سیریز،دوسرا میچ آج کھیلا جائیگا

 (مانیٹرنگ ڈیسک) پاکستان اور ویسٹ انڈیز کی کرکٹ ٹیموں کے درمیان دوسرا اور آخری ٹیسٹ میچ آج سے کنگسٹن میں شروع ہورہا ہے۔

تفصیلات کے مطابق  پاکستان اور ویسٹ انڈیز کی کرکٹ ٹیموں کے درمیان دوسرا اور آخری ٹیسٹ میچ آج سے کنگسٹن میں شروع ہورہا ہے ۔پہلا ٹیسٹ میچ ہارنے والی پاکستان ٹیم کی پلیئنگ الیون میں ایک تبدیلی کی جاسکتی ہے، یاسر شاہ کی جگہ نعمان علی کی ٹیم میں شمولیت متوقع ہے۔

جمیکا میں خراب موسم اور گراؤنڈ گیلے ہونے کے باعث 2 ٹریننگ سیشن متاثر ہوئے تھے لیکن امکان ہے کہ آج ٹیموں کو ٹیسٹ میچ سے قبل بھرپور ٹریننگ کا موقع ملے گا۔

واضح رہے کہ پہلے ٹیسٹ میچ میں ویسٹ انڈیز نے پاکستان کو سنسنی خیز مقابلے کے بعد ایک وکٹ سے شکست دی تھی ،میچ پاکستانی وقت کے مطابق رات 8 بجے شروع ہوگا۔

 یہ بھی پڑھیں:راشد منہاس شہید کے یوم شہادت پر ڈی جی آئی ایس پی آر کا پیغام