4 ارب ڈالر کیلئے قومی اثاثے بھی داؤ پر لگا دیئے گئے: شیخ رشید

(ویب ڈیسک) عوامی مسلم لیگ کے سربراہ شیخ رشید احمد نے کہا ہے کہ معاشی و قومی سلامتی  کے بعد 4 ارب ڈالر کیلئے قومی اثاثے بھی داؤ پر لگا دیئے ہیں،مہنگائی سے عوام پریشان ہیں۔

 عوامی مسلم لیگ کے سربراہ شیخ رشید احمد  نے سماجی رابطوں کی ویب سائٹ ٹوئٹر پر جاری بیان میں کہا کہ ملک میں43فیصد مہنگائی بڑھ گئی ہے۔ ملک خانہ جنگی کے دہانے پر پہنچ گیا ہے۔ معاشی سلامتی اور قومی سلامتی کے بعد4ارب ڈالر کیلئے قومی اثاثے بھی داؤ پر لگا دیئے ہیں۔

ملک میں43فیصد مہنگائی بڑھ گئی ہے۔معاشی سلامتی اور قومی سلامتی کے بعد4ارب ڈالر کے لیےقومی اثاثے بھی داؤ پہ لگا دیے ہیں۔ملک خانہ جنگی کے دہانے پر پہنچ گیاہے۔آج3بجے لیاقت باغ میں پریس کانفرنس کروں گا،شام کو اسلام آباد ریلی میں شامل ہونگے۔کل لیاقت باغ میں عمران خان کاتاریخی جلسہ ہوگا

— Sheikh Rashid Ahmed (@ShkhRasheed) August 20, 2022

 شیخ رشید نے اعلان کیا کہ وہ آج لیاقت باغ میں پریس کانفرنس کریں گے۔ اس کے بعد شام کو اسلام آباد ریلی میں شامل ہوں گے،انہوں نے مزید کہا کہ کل لیاقت باغ میں عمران خان کاتاریخی جلسہ ہوگا۔

 شیخ رشید نے دوسرے ٹوئٹ میں مزید کہا کہ پاکستان کی75سالہ تاریخ میں جو کچھ شہباز گل کے ساتھ ہوااس کی مثال نہیں ملتی۔ شہباز گل کے تشدد پر عمران خان کی ٹویٹ نے ساری دُنیا میں حکمرانوں کی ناک کاٹ دی ہے۔ ان کے اس احمقانہ قدم سے پاکستان کا تشخص تباہ ہوگیا ہے۔

پاکستان کی75سالہ تاریخ میں جو کچھ شہباز گل کے ساتھ ہوااس کی مثال نہیں ملتی۔شہباز گل کے تشددپرعمران خان کی ٹویٹ نے ساری دُنیا میں حکمرانوں کی ناک کاٹ دی ہے۔ان کے اس احمقانہ قدم سے پاکستان کا تشخص تباہ ہو گیا ہے۔عوام عمران خان کی کال پرشام کو اسلام آباد ریلی اور کل لیاقت باغ پہنچیں

— Sheikh Rashid Ahmed (@ShkhRasheed) August 20, 2022

انہوں نے عوام سے اپیل کی کہ وہ عمران خان کی کال پرلیاقت باغ پہنچیں،پی ٹی آئی کی قیادت میں ملک کو مسائل سے باہر نکالیں گے۔

 یہ بھی پڑھیں: فاروق ستار نے بھی آخر کار بڑا اعلان کر دیا