(24 نیوز) آسٹریلیا میں کھیلے جانے والے فیفا ویمن ورلڈ کپ کے فائنل میں اسپین نے انگلینڈ کو شکست دے کر ٹرافی اپنے نام کرلی، اسپین نے پہلی بار فیفا ویمن ورلڈ کپ کا ٹائٹل اپنے نام کیا ہے۔
فیفا ویمن ورلڈ کپ کے فائنل میں اسپین اور انگلینڈ کی ٹیمیں مد مقابل آئیں، دونوں ٹیموں کی جانب سے ٹائٹل جیتنے کیلئے سرتوڑ کوششیں کی گئی تاہم اسپین کی جانب سے انگلینڈ کیخلاف واحد 1 گو ل کیا گیا، انگلینڈ کی ٹیم اسپین کیخلاف کوئی بھی گول کرنے میں ناکام رہی۔
ویمن فیفا ورلڈ کپ چیمپئن بننے پر اسپین میں جشن کا آغاز ہوگیا، فٹ بال سے محبت کرنے والے افراد اپنی ٹیم کی جیت کا جشن منانے سڑکو ں پر نکل آئے۔
خیال رہے کہ اسپین کی ویمن ٹیم نے فیفا ویمن ورلڈ کپ کا ٹائٹل پہلی بار اپنے نام کیا ہے۔