بلب ٹھیک کرتی ’بلی‘ کی ویڈیو سوشل میڈیا پر وائرل

(ویب ڈیسک) بلی اپنی پھرتی اور چالاکی کی وجہ سے شیر کی خالہ کا خطاب تو پہلے حاصل کر چکی ہے مگر اب سوشل میڈیا پر زیرِ گردش ویڈیو میں ایک مانو بلی الیکٹریشن بن کر داد سمیٹنے میں مصروف ہے۔

عرب ٹی وی کے مطابق سوشل میڈیا پلیٹ فارم ٹوئٹر پرایک ویڈیو شیئر کی گئی جس میں ایک بلی کو بلب سیٹ کرتا دیکھا جا سکتا ہے، بلی فریج پر چڑھ کر چھت کیساتھ لگے بلب کو جلانے کی کوشش کر رہی ہے، بلب کے نہ جلنے پر بلی اسے بار بار چھیڑ کر چیک کرتی ہے۔ بلی کی اس حرکت پر جہاں وہاں موجود نوجوان اپنی ہنسی پرقابو نہیں رکھ سکا وہیں سوشل میڈیا صارفین بھی اپنی ہنسی نہیں روک پا رہے۔

Who called for an electrician? pic.twitter.com/PonQLescdU

— cats with jobs ???? (@CatWorkers) August 17, 2023

ٹوئٹرصارف نے مانو بلی کی اس کیوٹ ویڈیو کو گزشتہ روز ٹوئٹر پر شیئر کیا تھا جو دیکھتے ہی دیکھتے سوشل میڈیا پر مقبول ہوگئی، وائرل ہونے والی اس ویڈیو کو صارفین کی جانب سے بہت پسند کیا جا رہا ہے ساتھ ہی اس ویڈیو پر متعدد کمنٹس بھی کیے جا رہے ہیں۔