(24نیوز)برطانوی نژاد پاکستانی باکسر عامر خان نے مریم نواز اور فردوس عاشق اعوان میں مقابلے کی تجویز دی ۔جسے معاون خصوصٰی وزیراعلیٰ پنجاب نے فوری قبول کر لیا ۔
لاہور میں پریس کانفرنس کے دوران صحافی نے فردوس عاشق اعوان سے سوال پوچھا کہ آپ باکسنگ کرلیں گی؟ فردوس عاشق نے جواب میں کہا میرے مقابلےمیں ہم پلہ کولے کرآؤ جس پر باکسرعامرخان نے فردوس عاشق اعوان کو مریم نواز سے باکسنگ مقابلے کی تجویز دی جو انہوں نے فوری قبول کرتے ہوئے کہا راجکماری اورکنیزاول توپہلے پنچ پرناک آؤٹ ہوجائیں گی۔
میڈیا سے گفتگو کرتے ہوئےمعاون خصوصی وزیراعلیٰ پنجاب نےمزید کہا کہ اسپورٹس مین کبھی ہارنہیں مانتا۔ لاہور جلسے میں بھی اپوزیشن ناک آؤٹ ہو گئی ۔عمران خان کے یارکر نے ان کی مڈل اسٹمپ اڑا دی ہے۔جاتی امرا کے مکین باکسنگ رنگ میں بغیر تیاری کے اترے تھے۔،اب اگلی بار آنے سے پہلے پریکٹس کر لیں۔