برطانیہ سے پاکستان آنے والے مسافروں کیلئے نئی ہدایات جاری 

(مانیٹرنگ ڈیسک) برطانیہ میں کورونا کے اومیکرون ویرینٹ کے پھیلاؤ کا معاملہ، برطانیہ سے پاکستان آنے والی پروازوں پر سختی چیکنگ کی ہدایت کردی گئی۔

سی اے اے حکام کا کہنا ہے کہ سول ایوی ایشن کو برطانیہ سے پاکستان آنے والی پروازوں سے متعلق نئی ہدایات موصول ہوئی ہیں۔ برطانیہ سے پاکستان آنے والی پروازوں کے تمام مسافروں کے ایئرپورٹس پر ریپڈ انٹیجن ٹیسٹ لازمی قرار جبکہ اس حوالے سے پروازوں کو ایڈجسٹ کیا جائے تاکہ ایئرپورٹس پر تمام مسافروں کے ریپڈ انٹیجن ٹیسٹ مکمل کرلیے جائیں۔

یہ بھی پڑھیں: پی ٹی آئی الیکشن کیوں ہاری ۔۔ اپنے ہی وزرا نے بھانڈا پھوڑ دیا
 ایک پرواز کے بعد دوسری پرواز میں اتنا وقت ہو تا ہے کہ پہلے سے آنے والی پرواز کے تمام مسافروں کے ریپڈ انٹیجن ٹیسٹ مکمل ہوجائیں۔

برطانیہ سے پاکستان آنیوالے مسافروں کو پرواز سے 48 گھنٹے قبل کورونا پی سی آر ٹیسٹ لازمی ہوگا۔

اقدامات برطانیہ میں کورونا کے اومیکرون ویرینٹ کے کیسز کے باعث کیے جارہے ہیں۔
 یہ بھی پڑھیں: سکولوں کے بعد کالجز اور یونیورسٹیز میں بھی چھٹیوں کااعلان