بجلی کی قیمت بڑھانے والا وزیراعظم چور ہوتا ہے ۔۔شہباز شریف

(24نیوز)پاکستان مسلم لیگ (ن)کے صدر شہباز شریف نے بجلی کی قیمتوں میں 4 روپے 33 پیسے فی یونٹ مزید اضافے کی درخواست واپس لینے کا مطالبہ کرتے ہوئے کہا ہے کہ ہر ماہ بجلی اور اشیا ئے ضروریہ کی قیمتوں میں اضافہ قوم کا معاشی استحصال اور قتل ہے ،بجلی کے ہر اضافے پر قوم کو یاد آ جاتا ہے کہ بجلی کی قیمت بڑھانے والا وزیراعظم چور ہوتا ہے ۔

یہ بھی پڑھیں:تجربات نے بیڑا غرق کر دیا ۔۔جب بھی کوئی مصیبت آئی پیپلزپارٹی نے ہی ملک سنبھالا ۔۔ہم اب بھی تیار ہیں ۔۔ زر داری

تفصیلات کے مطابق اپنے ایک بیان میں شہباز شریف نے کہا کہ بجلی کی قیمت بھی بڑھتی جا رہی ہے لیکن پھر بھی گردشی قرض تاریخ کی بلند ترین سطح پر پہنچ چکا ہے۔حکومت بجلی کی قیمت بڑھا کر بھی گردشی قرض کم نہیں کرسکی۔دعوی کیا گیا تھا کہ گردشی قرض ختم کردیں گے لیکن یہ قرض کم ہونے کے بجائے دوگنا ہوچکا ہے۔بجلی کی قیمتیں بڑھانا مسئلے کا حل نہیں۔ عوام اور معیشت کے مسائل مزید نہ بڑھائے جائیں۔قوم کو مزید تکلیف دینے کے بجائے حکومت مستعفی ہوجائے ،یہ حکومت عوام کے لئے مستقل تکلیف بن چکی ہے۔ اس سے نجات ہی قوم کو مصائب سے نجات دے سکتی ہے۔ ٹوئٹر پر اپنے بیان میں شہباز شریف نے کہا کہ ہر گزرتے دن کے ساتھ گیس بحران سنگین ہوتا جا رہا ہے۔عوام حکومت کی نا اہلی کی سزا بھگت رہے ہیں۔صنعتوں کو بھی گیس کی کمی کا سامنا ہے۔افسوس، حکمران اپنی نا اہلی کو ماننے کے لئے تیار نہیں ہیں۔

یہ بھی پڑھیں:ہائیکورٹ کا رانا شمیم کا بیان حلفی آئندہ سماعت تک سربمہر رکھنے کا فیصلہ