جنوبی وزیرستان: سٹی پولیس اسٹیشن اور چیک پوسٹ پر دہشتگرد حملے ناکام

(ویب ڈیسک) جنوبی وزیرستان میں دہشت گردوں نے چیک پوسٹ پر حملہ کردیا جس دوران فائرنگ کے تبادلے میں ایک دہشت گرد مارا گیا۔

پولیس ذرائع کے مطابق سٹی تھانہ وانا اور باغیچہ چیک پوسٹ پر 50 سے زائد دہشت گردوں نے گزشتہ رات حملہ کیا تھا۔

یہ بھی پڑھیے: پشاور، فائرنگ سے حساس ادارے کا اہلکار جاں بحق

ذرائع کے مطابق جھڑپ میں ایک دہشت گرد مارا گیا تھا جس کی لاش پولیس نے تحویل میں لے لی ہے۔

پولیس ذرائع کا کہنا ہے کہ حملے میں ایک اہلکار زخمی بھی ہوا ہے۔ پولیس اور ایف سی کی جوابی کارروائی کے بعد دہشت گرد فرار ہو گئے۔