شاہ رخ خان مداحوں سےصرف 15 منٹ بات کیوں کرتے ہیں؟وجہ سامنے آگئی

(ویب ڈیسک )شاہ رخ خان نے حال ہی میں سوشل میڈیا پلیٹ فارم ٹوئٹر پر اپنے مداحوں کے ساتھ گفتگو کرنے کے لیے 15 منٹ کا ایک سیشن رکھا جس میں بالی ووڈ کنگ شاہ رخ خان نے ٹوئٹر پر مداحوں سے صرف 15 منٹ بات کرنے کی وجہ بتا دی۔

تفصیلات کے مطابق اداکار نے اس سیشن میں اپنے روایتی انداز میں مداحوں کی جانب سے پوچھے گئے سوالوں کے دلچسپ انداز میں جواب بھی دیے۔اس دوران اداکار سے ایک صارف نے سوال کیا کہ آپ اپنے مداحوں سے ہمیشہ صرف 15 منٹ ہی کیوں بات کرتے ہیں؟کنگ خان کے طنز و مزاح کے منفرد انداز سے دنیا بھر میں موجود ان کے تمام مداح بہت اچھی طرح واقف ہیں۔

اُنہوں نے مداح کے اس سوال کا جواب دیتے ہوئے لکھا کہ ’کیونکہ سب کو مشہور ہونے کے لیے 15 منٹ کی ضرورت ہوتی ہے‘۔

Because everyone needs 15 minutes for fame… https://t.co/mekuobWTnH

— Shah Rukh Khan (@iamsrk) December 17, 2022

واضح رہے کہ شاہ رخ خان آج کل اپنی فلم ’پٹھان‘ کی پروموشن میں مصروف ہیں جو اگلے سال 25 جنوری کو ریلیز ہونے والی ہے۔