میسی نے رونالڈو سے ایک اور اعزاز چھین لیا
Stay tuned with 24 News HD Android App
(ویب ڈیسک) ارجنٹینا کے کپتان لیونل میسی نے کرسٹیانو رونالڈو سے سوشل میڈیا کی دنیا کا بڑا اعزاز چھین لیا۔
لیونل میسی اور کرسٹیانو رونالڈو کے مداحوں کے درمیان ’گریٹ آف آل ٹائمز‘ سے متعلق بحث جاری رہتی ہے کیونکہ دونوں ہی ایک دوسرے کے ہم پلہ فٹبالرز ہیں۔
ایسے میں سوشل میڈیا پر زیادہ سرگرم رہنے والے رونالڈو کے کروڑوں مداح بھی ان کا خوب ساتھ دیتے ہیں جس کی مثال ان کی ایک پوسٹ کا انسٹاگرام پر سب سے زیادہ پسند کیا جانا ہے۔
View this post on Instagram
19 نومبر کو کرسٹیانو رونالڈو نے انسٹاگرام پر اپنی اور میسی کی تصویر کو شیئر کیا جس میں دونوں کو علامتی طور پر شطرنج کھلتے ہوئے دیکھا جاسکتا ہے۔
مذکورہ پوسٹ کو انسٹاگرام پر 4 کروڑ 19 لاکھ سے زائد صارفین نے پسند کیا جو اب تک کسی بھی کھلاڑی کی سب سے زیادہ پسند کی جانے والی پوسٹ تھی۔
تاہم اب لیونل میسی نے رونالڈو سے ان کا یہ اعزاز بھی چھین لیا جہاں ان کی جانب سے ورلڈ کپ جیتنے کے بعد ٹرافی کے ساتھ شیئر کی گئی پوسٹ کو 5 کروڑ 46 لاکھ سے زائد صارفین پسند کرچکے ہیں۔
View this post on Instagram
واضح رہے کہ یہ کسی بھی کھلاڑی کی اب تک سب سے زیادہ پسند کی جانے والی پوسٹ بن گئی ہے۔