بنوں: سی ٹی ڈی کمپاؤنڈ آپریشن مکمل، اندر موجود تمام دہشت گرد ہلاک

(ساجد بلوچ) بنوں میں سی ٹی ڈی کمپاؤنڈ کے اندر موجود دہشتگردوں کو ہلاک کردیا گیا۔

او ایس آر بنوں فرحت اللہ بابر کے مطابق سی ٹی ڈی کمپاؤنڈ میں دہشت گردوں کے خلاف اس وقت سرچ اور سوئپنگ آپریشن کیا جا رہا ہے۔

آپریشن کے دوران 3 سیکیورٹی اہل کار بھی زخمی ہوئے ہیں۔

اس وقت بھی کمپاؤنڈ سے دھواں اٹھتا نظر آ رہا ہے، شہر بھر میں سیکیورٹی ہائی الرٹ ہے، علاقے میں آنے جانے والے راستوں پر پولیس کی نفری تعینات ہے۔

یہ بھی پڑھیے: بنوں، سی ٹی ڈی کمپاؤنڈ پر دہشتگردوں کا حملہ، فورسز کا آپریشن جاری

ڈپٹی کمشنر بنوں کے حکم کے تحت ضلع کے تمام اسکول بند ہیں، بنوں کے اسپتالوں میں ایمرجنسی نافذ ہے اور موبائل فون سروس معطل ہے۔

بنوں میں سی ڈی ٹی کمپاؤنڈ پر دہشت گردوں نے اتوار کو قبضہ کرنے کے بعد اہلکاروں کو یرغمال بنا لیا تھا۔

سیکیورٹی فورسز کی جانب سے دہشت گردوں کا قبضہ چھڑانے کیلئے آپریشن کیا گیا، جس کے دوران گولیاں چلنے کی آوازیں آتی رہیں۔