یشمیرا جان نے شادی کے بعد شوبزچھوڑنے کااعلان کردیا

ابھی صرف نکاح ہوارخصتی نہیں ہوئی،جلد پیا گھر سدھار جائوں گی,غیرمیرا آخری ڈرامہ ہے

Dec 20, 2024 | 13:10:PM
یشمیرا جان نے شادی کے بعد شوبزچھوڑنے کااعلان کردیا
کیپشن: فائل فوٹو
سورس: گوگل
Stay tuned with 24 News HD Android App
Get it on Google Play

(ویب ڈیسک)سینئراداکار شبیر جان اور اداکارہ فریدہ شبیر کی اداکارہ بیٹی یشمیرا جان نے شادی کے بعد شوبزچھوڑنے کااعلان کردیا۔

یشمیرا جان کے حوالے سے جون 2024 میں خبریں سامنے آئی تھیں کہ وہ رشتہ ازدواج میں بندھ گئی ہیں،ان کی شادی کی تقریبات کی تصاویر اور ویڈیوز بھی وائرل ہوئی تھیں،لیکن اب اداکارہ نے واضح کیا ہے کہ ان کی رخصتی نہیں ہوئی، صرف نکاح ہوا ہے اور جلد وہ پیا گھر سدھار جائیں گی، جس کے بعد وہ شوبز کو خیرباد کہہ دیں گی۔

یشمیرا جان کے حوالے سے ہدایت کار و اداکار یاسر نواز نے اپنے یوٹیوب چینل پر ولاگ شیئر کیا، جس میں اداکارہ نے جلد شوبز چھوڑنے کی تصدیق کی،ولاگ میں یاسر نواز نے بتایا کہ "غیر" یشمیرا جان کا آخری ڈراما ہوگا، اس کے بعد وہ ہمیشہ کے لیے شوبز چھوڑ دیں گی۔

ان کا کہنا تھا کہ یشمیرا جان دوسری زندگی شروع کرنے جا رہی ہیں، ان کا نکاح ہو چکا ہے اور جلد ان کی رخصتی بھی ہوجائے گی، جس کے بعد وہ شوبز میں نظر نہیں آئیں گی۔

یشمیرا جان نے اس پر تصدیق کرتے ہوئے کہا کہ "غیر" ان کا آخری ڈراما ہے، اس کے بعد وہ شوبز چھوڑ دیں گی، کیونکہ وہ پیا گھر سدھار جائیں گی جبکہ انہوں نے اپنی تعلیم بھی مکمل کرنی ہے،فی الوقت ان کا ہمیشہ کے لیے شوبز چھوڑنے کا ارادہ ہے کیونکہ اب نئی زندگی شروع کرنے جا رہی ہیں۔

یشمیرا جان نے مزاحیہ انداز میں کہا کہ چونکہ اب ان کی شادی ہوجائے گی، اس لیے انہیں اداکاری کی ضرورت بھی نہیں رہے گی۔