نوشہرہ الیکشن میں جیت اورپی ٹی آئی سے نجات مبارک ،مریم نواز

(24 نیوز) پاکستان مسلم لیگ ن کی نائب صدر مریم نواز نے کہا ہے کہ خوشی ہے کہ قوم جاگ گئی ہے اور ووٹ چہروں کے پہچان گئی ہے۔

تفصیلات کے مطابق مسلم لیگ ن کی نائب صدر مریم نواز نے نوشہرہ الیکشن جیتنے کے بعدٹویٹر پر اپنے ایک پیغام میں کہا ہے کہ یہ ہونا ہی تھا! ہر بار دھوکہ دھونس دھاندلی نہیں چل سکتی۔ مجھے خوشی ہے قوم جاگ گئی ہے اور ووٹ چوروں کے چہرے نا صرف اچھی طرح سے پہچان گئی ہے بلکہ آہنی ہاتھوں سے روک بھی رہی ہے! الحمدللّٰہ !
مریم نواز نے مزید کہا کہ نوشہرہ میں الیکشن جیت گئے ہیں، شکر الحمد للہ ربّ العالمین، پی ٹی آئی سے نجات مبارک ہو۔انہوں نے پاکستان مسلم لیگ ن کے رہنما عطا اللہ تارڑ اور عادل چٹھہ کی خدمات کو سراہا۔