میڈیکل بورڈشہباز شریف کا پیر کو طبی معائنہ کرے گا

(24نیوز)مسلم لیگ ن کے صدر اور قومی اسمبلی میں اپوزیشن لیڈر شہباز شریف کا پیر کے روز جیل میں طبی معائنہ ہوگا۔ نو رکنی میڈیکل بورڈ کوٹ لکھپت جیل میں شہباز شریف کا طبی معائنہ کرے گا۔ 
میڈیکل بورڈ میں سربراہ پروفیسر خالد محمود ، پروفیسر سعید احمد ، پروفیسر صائمہ امیر ، پروفیسر دل آویز ندیم ، ڈاکٹر خدیجہ عرفان ، ڈاکٹر عباس کھوکھر ، ڈاکٹر عارف حسن خان ، ڈاکٹر عقیل بابری اور پروفیسر نصرت اللہ چودھری شامل ہیں۔ میڈیکل بورڈ شہباز شریف کے پیٹ سکین سمیت مختلف ٹیسٹوں کی روشنی میں میڈیکل ایڈوائس دے گا۔