میئرلندن گلوکار عاطف اسلم کے بڑے مداح نکلے

(ویب ڈیسک)برطانیہ کے دارالحکومت لندن کے میئر پاکستانی نژاد صادق خان بغیر کسی پروٹوکول کے گلوکار عاطف اسلم کے کنسرٹ میں پہنچے۔ انہوں نے لندن کے علاوہ دیگر شہروں میں کنسرٹ کرنے ہیں، ایسے میں لندن میں اپنی پرفارمنس کے دوران عاطف کی ملاقات وہاں کے میئر سے ہوئی جو عاطف کے بڑے مداح بھی ہیں۔
صادق خان نے گزشتہ روز ٹوئٹر پر گلوکار کے ہمراہ تصویر شیئر کی اور لکھا کہ عاطف اسلم کو اپنے عالمی دورے کے موقع پر لندن میں خوش آمدید کہنا بہت اچھا لگا۔انہوں نے لکھا کہ یہ خوش آئند ہے کہ لندن دوبارہ اس قسم کی سرگرمیوں سے محظوظ ہو رہا ہے، ہمارا شہر ایک مرتبہ پھر تفریح اور لوگوں کی حوصلہ افزائی کے لیے تیار ہے۔
ایک سوال کا جواب دیتے ہوئے میئر لندن نے کہا کہ میں اور میرے اہلخانہ عاطف اسلم کے کئی سالوں سے مداح ہیں، اسی وجہ سے کنسرٹ میں شریک ہوا ہوں۔انہوں نے کہا کہ عاطف ناصرف ایک اچھا موسیقار بلکہ بہترین اداکار بھی ہے، وہ پاکستان کا فخر ہے۔ایک سوال کے جواب میں صادق خان نے اعتراف کیا کہ وہ ماضی میں عاطف اسلم کے گانوں پر ڈانس بھی کرتے رہے ہیں۔

Wonderful to welcome Atif Aslam to London on the latest leg of his global tour. @itsaadee

It’s great to have London back buzzing again - our city is open and ready to entertain and inspire once again. #LetsDoLondon pic.twitter.com/R8ImScCLFn

— Sadiq Khan (@SadiqKhan) February 19, 2022
یہ بھی پڑھیں: