پاکستان معاشی مشکلات کا شکار، دیوالیہ نہیں ہو رہا: بلاول بھٹو

(ویب ڈیسک) وزیرخارجہ بلاول بھٹو زرداری نے کہا ہے کہ پاکستان معاشی مشکلات کا شکار ہے تاہم دیوالیہ نہیں ہورہا۔

وزیرخارجہ بلاول بھٹو زرداری نے غیر ملکی میڈیا کو انٹرویو میں پاکستان کے دیوالیہ ہونے سے متعلق سوال کے جواب میں کہا کہ پاکستان کی معیشت مشکلات کا شکار ہے تاہم پاکستان دیوالیہ نہیں ہو رہا ہے۔ آئی ایم ایف سے مذاکرات جاری ہیں۔

انہوں نے کہا کہ کورونا وبا، یوکرین میں جنگ اور عالمی معیشت کے اثرات پاکستان کی معیشت پر بھی ہوئے ہیں۔ سیلاب نے پاکستانی معیشت کے لیے مشکل صورتحال پیدا کی ہے۔

Brilliant ???? this is the sanity & maturity that we need to develop in our political discourse. Young political minds showing how ???????? should be led https://t.co/4KzYNcC66U

— Murtaza Wahab Siddiqui (@murtazawahab1) February 19, 2023

بلاول بھٹو کا مزید کہنا تھا کہ پاکستان کو دہشتگردی کی نئی لہر کا سامنا ہے جس کا اثر معیشت پر ہوتا ہے، عالمی قرضے مختصر اور طویل مدت کا معاملہ ہوتا ہے، پاکستان موجودہ بحران سے جلد نکل آئے گا۔

انہوں نے کہا کہ افغان طالبان کو داعش کے علاوہ کسی سے خطرہ نہیں ہے۔ افغانستان کی موجودہ صورتحال امریکا اور نیٹو کے افغانستان کو چھوڑ کر چلے جانے کا نتیجہ ہے، پاکستان نے افغانستان کی مدد کی ہے اور آئندہ بھی کرتا رہے گا۔