رکی پونٹنگ سے تعریف سننا میرے لیے باعث اعزاز ہے، بابر اعظم

(24 نیوز) قومی کرکٹ ٹیم کے کپتان بابر اعظم کا کہنا ہے کہ سابق آسٹریلوی کپتان رکی پونٹنگ سے اپنی تعریف سننا میرے لیے اعزاز کی بات ہے۔

بابر اعظم نے آئی سی سی ڈیجیٹل کے ساتھ گفتگوکرتے ہوئے کہا کہ رکی پونٹنگ نے میرے بارے میں جو کہا وہ میرے لیے ایک اچھا احساس ہے، ان سے اپنی تعریف سن کر میرے اعتماد میں مزید اضافہ ہوگا۔

یہ بھی پڑھیے: افغانستان نے متحدہ عرب امارات کیخلاف ٹی ٹوئنٹی سیریز جیت لی

اُنہوں نے مزید کہا کہ جب لیجنڈری کھلاڑی تعریف کرتا ہے تو آپ مزید بہتر ہونے کی کوشش کرتے ہیں، آپ کا اعتماد بڑھتا ہے اور آپ کے ذہن میں رہتا ہے کہ کوئی بڑا کھلاڑی آپ کے بارے میں بات کررہا ہے۔

Pakistan captain Babar Azam has spoken on the praise that Ricky Ponting lavished upon him on The ICC Review ????️

More ????https://t.co/ioQ3x6iecu

— ICC (@ICC) February 20, 2023

ان کا مزید کہنا تھا کہ یہ سب کھلاڑی اس مقام سے گزرے ہوتے ہیں انہیں علم ہے کہ ابھی میرا مائنڈ سیٹ کیا ہے اور میں ان کی باتوں کو مثبت انداز میں لوں گا اور اپنی بہترین کارکردگی دِکھانے کی کوشش کروں گا۔

بابر اعظم کا کہنا تھا کہ میرا دھیان ہمیشہ اس چیز پر ہوتا ہے کہ میری ٹیم کے تمام کھلاڑی اپنی بہترین کارکردگی دکھائیں۔