سوشل میڈیا پر مریم نواز اور اداروں کیخلاف پروپیگنڈے پر مقدمات درج

(24 نیوز) سوشل میڈیا پر وزیراعلیٰ پنجاب اور اداروں کے خلاف پروپیگنڈے پر مختلف افراد کے خلاف مقدمات درج کرلیے گئے ہیں۔

سوشل میڈیا پر پروپیگنڈا کرنے والوں کے خلاف مقدمات تھانہ شاہدرہ، شاہدرہ ٹاؤن اور کوٹ لکھپت میں درج کیے گئے جن میں پیکا ایکٹ سمیت دیگر سنگین دفعات بھی شامل کی گئی ہیں۔

ایف آئی آرز کے مطابق ملزمان نے آرٹیفیشل انٹیلی جنس سے وزیراعلیٰ  کی نازیبا ویڈیوز بنائیں، ویڈیوز سوشل میڈیا پر ملک دشمن عناصر کے ایجنڈے کو پرمووٹ کرنے کیلئے بنائی گئیں۔

ایف آئی آرز میں کہا گیا ہےکہ مخصوص جماعت نے جعلی ویڈیوز بنا کر انتشار پھیلانے کی سازش کی تاہم ابھی تک کسی ملزم کی گرفتاری عمل میں نہیں آئی۔

مزید پڑھیں:سعودیہ، مالدیپ سمیت 5 ملکوں سے مزید 17 پاکستانی ڈی پورٹ