بالی ووڈ کے معروف اداکارراج ببر کو بیٹےنے شادی پر کیوں نہیں بلایا؟
Stay tuned with 24 News HD Android App
(ویب ڈیسک)بالی ووڈ کے معروف اداکارراج ببر کے بیٹے نے دوسری شادی کرلی لیکن باپ کو شادی پر نہیں بلایا۔
بالی وڈ اداکار پرتیک ببر نے حال ہی میں اپنی دیرینہ گرل فرینڈ پریا بینرجی سے دوسری شادی کی ہے جس کے سوشل میڈیا پر چرچے ہورہے ہیں۔
بھارتی میڈیا کی رپورٹس کے مطابق شادی کی پروقار تقریب ان کی آنجہانی والدہ سمیتا پاٹل کی ممبئی میں واقع رہائش گاہ پر منعقد ہوئی، تاہم پرتیک کے سوتیلے بھائی آریا ببر نے ایک حالیہ انٹرویو میں انکشاف کیا کہ ان کے والد راج ببر سمیت ان کی دوسری فیملی کو شادی کا دعوت نامہ موصول نہیں ہوا تھا۔
آریا نے مزاحیہ انداز میں اپنے تازہ ترین اسٹینڈ اپ کامیڈی ایکٹ کے دوران ببر خاندان کی متعدد شادیوں کی تاریخ کا حوالہ دیااورمزاحیہ تبصرہ کرتے ہوئے کہا کہ میں مانتا ہوں، میرے والد اداکار راج ببر نے دو بار شادی کی، میری بہن کی دو بار شادی ہوئی اور اب میرے بھائی (سوتیلا بھائی اداکار پرتیک ببر) کی دوسری شادی ہو رہی ہے، یہاں تک کہ میرے کتے ہیپی کی بھی دو گرل فرینڈ ہیں، اس لیے مجھے دوسری شادی کرنے میں کوئی اعتراض نہیں ہے لیکن مجھے طلاق سے ڈر لگتا ہے۔
آریا نے یہ بھی بتایا کہ کس طرح انہوں نے اپنے والد راج ببر سے مشورہ طلب کیا کہ پرتیک کی شادی میں مدعو نہ کیے جانے کے بارے میں میڈیا کے سوالات کا جواب کیسے دیا جائے،آریا نے اپنے والد کے جواب سے متعلق بتایا کہ انہوں نے کہا میڈیا سے کہو، مرد تو شادی کرتے رہتے ہیں۔
یہ بھی پڑھیں:رشمیکا مندانا پانچ بلاک بسٹر فلمیں دینے والی پہلی اداکارہ
واضح رہے کہ اداکار پرتیک ببر تجربہ کار اداکار راج ببر اور آنجہانی اداکارہ سمیتا پاٹل کے بیٹے ہیں، سمیتا پاٹل کی اچانک موت کے بعد راج ببر نے نادرا سے دوبارہ شادی کی اور ان کے دو بچے، آریا ببر اور جوہی ببر تھے۔