(ویب ڈیسک)امریکا کی مقابلہ حسن جیتنے والی 18 سالہ دوشیزہ کیڈانس فریڈرکسن خطرناک حادثے کا شکار ہوگئیں۔
کیڈانس فریڈرکسن نے کم عمری میں ہی ’’مس اوکالوسا کاؤنٹی ٹین یو ایس اے‘‘ کا مقابلہ حسن جیتا تھا اور انہیں حال ہی میں کالج کےلیے 40 ہزار ڈالر اسکالر شپ بھی ملی تھی۔
رپورٹس کے مطابق، کیڈانس 17 فروری کو فلوریڈا کی ایک شاہراہ پر گاڑی چلا رہی تھیں جب ان کی گاڑی ایک ٹرالر سے ٹکرا گئی، حادثہ اتنا شدید تھا کہ کیڈانس موقع پر ہی دم توڑ گئیں۔
کیڈانس کی والدہ کا کہناہے کہ یہ حادثہ ان کے گھر سے محض تین منٹ کی دوری پر پیش آیا، کیڈانس کی ناگہانی موت نے ان کے خاندان، دوستوں اور پورے علاقے کو سوگوار کردیا۔
کیڈینس فریڈرکسن نے 7 فروری کو اپنے انسٹاگرام پر بتایا تھا کہ انہیں ایلیسن میک کرینی انگرم فاؤنڈیشن کی طرف سے اسکالرشپ ملی ہے۔ انہوں نے یہ خوشی کا اعلان کرتے ہوئے انسٹاگرام پر لکھا تھا ’’یہ فراخدلانہ تعاون میرے مستقبل کو سنوارنے اور میرے خوابوں کو پورا کرنے میں مدد دے گا۔ انگرم فیملی، فاؤنڈیشن، اور اس میں شامل ہر شخص کا شکریہ!‘‘
خاندان کے افراد کے مطابق کیڈینس کو نو کالجوں سے آفر مل چکی تھی، اور وہ ویٹرنیرین بننے کا خواب دیکھ رہی تھیں۔
یہ بھی پڑھیں: رشمیکا مندانا پانچ بلاک بسٹر فلمیں دینے والی پہلی اداکارہ
2017 میں جب کیڈینس کو"لِٹل مِس نارتھ ویسٹ فلوریڈا" کا تاج پہنایا گیا تھا تو انہوں نے ’’کیڈا پرومِس‘‘ نامی ایک چیریٹی پروگرام شروع کیا، جو بے گھر اور اور ہسپتالوں میں بچوں کو ٹیڈی بیئرز اور کمبل فراہم کرتا تھا،اس کے علاوہ کیڈینس نے ’’کیڈا پرومِس‘ کے ذریعے چیریٹی کے کام کے علاوہ رونالڈ میک ڈونلڈ ہاؤس کےلیے 25 ہزار ڈالر بھی جمع کیے تھے۔