بلوچستان سے سینیٹ کی خالی نشست پر ضمنی انتخاب کیلئے ٹریبیونل تشکیل
Stay tuned with 24 News HD Android App
(24نیوز)الیکشن کمیشن آف پاکستان (ای سی پی) نے سینیٹ کی بلوچستان سے خالی نشست پر ضمنی انتخاب کے لیے ٹریبیونل تشکیل دے دیا۔
الیکشن کمیشن سے جاری نوٹیفکیشن کے مطابق بلوچستان ہائی کورٹ کے جسٹس روزی خان پر مشتمل ٹریبیونل تشکیل دے دیا گیا ہے۔
ٹریبیونل سینیٹ کی نشست کے لیے کاغذات نامزدگی منظور یا مسترد ہونے سے متعلق ریٹرننگ افسر کے فیصلوں کے خلاف اپیلیں نمٹائے گا۔
بلوچستان سے سینیٹ کی خالی جنرل نشست پر ضمنی انتخاب 8 مارچ کو ہوگا۔
واضح رہے کہ بی این پی مینگل کے سینیٹر استعفے کے بعد بلوچستان سے سینیٹ کی ایک جنرل نشست خالی ہوگئی ہے۔