وزیر داخلہ کا کوئٹہ میں شہید ہونیوالے دو اہلکاروں کو خراج تحسین 

(اویس کیانی )وزیر داخلہ محسن نقوی نے کوئٹہ کے نواحی علاقے شعبان میں پولیس چیک پوسٹ پر فائرنگ کے واقعہ کی مذمت کرتے ہوئے شہید ہونے والے دونوں اہلکاروں کو شاندار الفاظ میں خراج عقیدت پیش کیا۔

وزیر داخلہ محسن نقوی نے شہید ہونے والے دونوں پولیس اہلکاروں کے لواحقین سے دلی ہمدردی اور تعزیت کا اظہار کیا۔

اس موقع پر محسن نقوی کا کہنا تھا کہ  پولیس اہلکاروں نے فرض کی ادائیگی کے دوران شہادت کا بلند رتبہ پایا ہے۔

انھوں نے کہا کہ پولیس اہلکاروں کی قربانی کو سلام پیش کرتے ہیں، شہداء کے لواحقین کے غم میں برابر کے شریک ہیں۔

مزید پڑھیں : پشاور؛ بیوی نے اپنے باپ کے قتل کا بدلہ لینے کیلیے شوہرکو مار ڈالا