فردوس شمیم نقوی نےاستعفا جمع کروادیا

 (24نیوز) فردوس شمیم نقوی نے اپنا استعفیٰ سپیکر سندھ اسمبلی کو جمع کرادیا اور کہا حلیم عادل شیخ نئے قائد حزب اختلاف ہوں گے انہیں مبارکباد دیتا ہوں۔

تفصیلات کے مطابق  تحریک انصاف کے رہنما فردوس شمیم نقوی نے اپنا استعفا جمع کرواتے ہوئےکہا  کہ بطور اپوزیشن لیڈر سندھ اپنا استعفیٰ پیش کرتا ہوں۔ استعفےکی کاپی کچھ روز قبل وزیراعظم کو بھی واٹس ایپ کی تھی۔ لیڈر اپوزیشن کی ذمہ داری مجھے میری قیادت نے دی تھی ۔  

یاد رہے فردوس شمیم نقوی نے قائد حزب اختلاف کی نشست سےاستعفےکا اعلان کیا تھا ۔ ذرائع کا کہنا ہے کہ حلیم عادل شیخ نئے قائد حزب اختلاف ہوں گے تاہم ایم کیو ایم نے حلیم عادل کی نامزدگی پرتحفظات کا اظہار کیا تھا۔خیال رہے فردوس شمیم نقوی کو وفاق میں اہم ذمہ داری دیئےجانے کا امکان ہے۔

واضح رہے کہ تحریک انصاف نے سندھ اسمبلی میں اپوزیشن لیڈر فردوس شمیم نقوی سےاستعفیٰ طلب کیا تھا۔ ذرائع کا کہنا تھا کہ فردوس شمیم نقوی کی بہ طور اپوزیشن لیڈر کارکردگی بہتر نہیں تھی جس پر ان سے استعفیٰ طلب کیا گیا ہے  ان کے متنازع بیانات سے بھی مسائل پیدا ہوئے جبکہ کچھ ایم پی ایز کو فردوس شمیم نقوی سے سخت رویے کی بھی شکایات تھیں۔