پورا بھارت زد میں۔۔پاکستان کا شاہین تھری بیلسٹک میزائل کا کامیاب تجربہ

 (24 نیوز) پاکستان نے شاہین تھری بیلسٹک میزائل کا کامیاب تجربہ کر لیا ہے، صدر مملکت، وزیراعظم اور تینوں مسلح افواج کے سربراہوں نے کامیاب تجربہ پر قوم کو مبارکباد پیش کی ہے۔
پاک فوج کے شعبہ تعلقات عامہ (آئی ایس پی آر) کے مطابق پاکستان نے شاہین تھری میزائل کا کامیاب تجربہ کرلیا، میزائل کی زمین سے زمین تک 2 ہزار 750 کلو میٹر رینج ہے۔
آئی ایس پی آر کا کہنا ہے کہ تجربے میں ویپن سسٹم کے ٹیکنیکل پیرامیٹرز کو جانچا گیا، میزائل نے تجربے کے دوران بحیرہ عرب میں ہدف کو کامیابی سے نشانہ بنایا۔چیئرمین جوائنٹ چیفس آف سٹاف کمیٹی نے سائنسدانوں، انجینئرز کو مبارک باد دی، سروسز چیفس نے بھی میزائل کے کامیاب تجربے پر سائنسدانوں اور انجینئرز کو مبارک باد دی۔
آئی ایس پی آر کے مطابق چیئرمین جوائنٹ چیفس آف سٹاف کمیٹی جنرل ندیم رضا نے میزائل تجربہ ہوتے دیکھا۔ ڈی جی ایس پی ڈی، کمانڈر آرمی سٹرٹیجک فورس کمانڈ، چیئرمین نیسکام، میزائل پروگرام کے سائنسدان اور انجینئرز بھی اس موقع پر موجود تھے۔

Pakistan conducted successful flight test of #Shaheen-3 surface 2 surface ballistic missile,having range of 2750 Kms. Flt test aimed @ revalidating various design & tech parameters of weapon system. President, PM, CJCSC & Services Chiefs have congratulated scientists & engineers. pic.twitter.com/uZqxTBJJGv

— DG ISPR (@OfficialDGISPR) January 20, 2021