لڑکیوں کا ساتھی طالبہ پر تشدد، دل دہلا دینے والی ویڈیو سامنے آ گئی
Stay tuned with 24 News HD Android App
(عرفان ملک ) پرائیویٹ سکول میں مبینہ طور پر نشے سےمنع کرنےپر لڑکیوں کا ساتھی طالبہ پر تشدد کی ویڈیو سامنے آئی ہے ۔
تفصیلات کے مطابق پرائیویٹ سکول میں طالبات کی ساتھی طالبہ پرتشدد کی ویڈیو سامنے آئی ہے، فوٹیج میں دیکھا جا سکتا ہےکہ 3 لڑکیوں کی جانب سے طالبہ پر شدید تشدد کیا جا رہے ہے جبکہ ان کی مزید دو ساتھی موبائل فون پر اس تشدد کی ویڈیو بنا رہی ہیں ، پولیس نے طالبہ کے والد عمران کی مدعیت میں مقدمہ بھی درج کر لیا ہے ۔
View this post on Instagram
طالبہ کے والد نے پولیس کو بتایا کہ بیٹی کی کلاس فیلو ’’جنت ‘‘نشے کا شوق رکھتی ہے،ملزمہ جنت میری بیٹی کو نشے میں ملوث کرنا چاہتی تھی ، جنت نے اپنی بہن کائنات ، عمائمہ ،نور رحمان کیساتھ مل کر میری بیٹی پر قاتلانہ حملہ کیا۔ملزمان نے بیٹی کی سونے کی چین چرالی بدترین تشدد بھی کیا ۔تاحال پولیس کی جانب سے واقعہ میں ملوث کسی لڑکی کو گرفتارنہیں کیا جا سکا۔