بھارت کے جیولین تھروور نیرج چوپڑا رشتہ ازدواج میں منسلک

  (24 نیوز)بھارتی اولمپیئن جیولین تھروور نیرج چوپڑا رشتہ ازدواج میں منسلک ہوگئے۔

رپورٹ کے مطابق 2 بار کے جیولین تھروور اولمپک میڈلسٹ نیرج چوپڑا نے اتوار کو انسٹاگرام پر اپنے مداحوں کے ساتھ شادی کی خبر شیئر کی۔پوسٹ میں نیرج نے لکھا کہ میں اور ہیمانی زندگی کے نئے باب کا آغاز کر رہے ہیں۔ ساتھ ہی انہوں نے شادی کی کئی تصاویر بھی شیئر کیں۔

مزید پڑھیں:خاتون کی دو شادیوں کے بعد  تیسرے شوہر سے ٹوٹ کر محبت، انجام بھیانک

جوڑے نے قریبی دوستوں اور خاندان کے افراد کی موجودگی میں ایک نجی تقریب میں شادی کی،ہریانہ سے تعلق رکھنے والی ہیمانی سابق ٹینس پلیئر ہیں اور اب وہ بطور سپورٹس منیجر ذمہ داریاں سنبھال رہی ہیں،  بھارتی میڈیا کے مطابق ہیمانی نے 2015 سے 2018 تک نئی دہلی میں پولیٹکل سائنس اور فزیکل ایجوکیشن میں بیچلر کی ڈگری حاصل کی۔ بعد ازاں انہوں نے امریکہ سے سپورٹس اور فٹنس ایڈمنسٹریشن میں ماسٹر کیا۔ہیمانی نے دہلی یونیورسٹی کی نمائندگی کرتے ہوئے ورلڈ یونیورسٹی گیمز میں بھی حصہ لیا تھا۔