کدو کے بیج جلد کی چمک بڑھانے میں مدد گار

(24 نیوز)صحت کے لیے مفید کدو کے بیج جلد کے لیے بھی فائدہ مند تصور کیے جاتے ہیں، اسے چہرے پر استعمال کرنے سے چند ہی دنوں میں فرق نظر آنے لگتا ہے۔

ماہرین کے مطاطبق کدو کے بیج کو صحت کے لیے فائدہ بخش تصور کیا جاتا ہے، ماہرین صحت انہیں روزانہ صبح کھانے کا مشورہ دیتے ہیں،کدو کے بیجوں میں موجود زنک اور دیگر اینٹی آکسیڈنٹس موجود ہوتے ہیں، جو جلد کی حفاظت کرتے ہیں اور آزاد ریڈیکلز سے لڑنے میں مدد دیتے ہیں،یہ جلد کی عمر رسیدگی کے عمل کو سست کر سکتے ہیں۔ اس کے علاوہ یہ مہاسوں کو بننے سے روکتاہے،کدو کے بیجوں میں وٹامن ای ہوتا ہے جو جلد پر بڑھتی ہوئے عمر کے اثرات کو ظاہر ہونے سے روکتا ہے۔

کدو کے بیجوں کا تیل جلد کو نمی فراہم کرتا ہے، جس سے جلد نرم اور ہموار رہتی ہے، یہ خاص طور پر خشک جلد کے لیے فائدہ مند ہے،کدو کے بیجوں کا استعمال ہارمونز کی توازن کو برقرار رکھنے میں مدد کرتا ہے، جو جلد کی صحت پر مثبت اثر ڈال سکتا ہے، خاص طور پر خواتین میں،ویسے تو کدو کے بیجوں کو جلد کی دیکھ بھال کے لیے کئی طریقوں سے استعمال کیا جاسکتا ہے۔

کدو کے بیجوں سے فائدہ اٹھانے کے 3 آسان طریقے 

 بیجوں کا کلینزر کے طور پر استعمال
کلینزر بنانے کے لیے آپ کو چاہیے کہ ایک کپ کدو کے بیجوں کو لے کر پیس لیا جائے اور اسے ایک پاوڈر کی شکل دے دی جائے،اب اس میں آدھا کپ شہد، ایک چمچ صندل پاوڈر اور ایک چمچ جائفل پاوڈر ڈال کر اچھی طرح مکس کر لیا جائے،اس کلینرز میں ضروری تیل کو شامل کر لیا جائے،یہ تیل چہرے کے کلینزر کے لیے استعمال کیا جاسکتا ہے۔

 کدو کے بیجوں کا سکرب بنا کر استعمال
کدو کے بیج چہرے کا اسکرب بنانے کے لیے بھی استعمال کئے جاتے ہیں،اسے بنانےکے لیےایک کپ کٹا ہوا کدو اور کدو کے بیج لے کر انہیں پانی میں اچھی طرح ابال لیں،پانی کو چھان کرکدو اور اسکے بیج کو گرائنڈر میں اچھی طرح بلینڈ کرلیں،اب اس پیسٹ میں دو کھانے کے چمچ شہد ایک کھانے کا چمچ دار چینی کا پاوڈر ڈال دیں،اب اس مکسچر کو اپنے چہرے پر لگالیں اور دس منٹ تک خشک ہونے دیں، پھر ہلکا ہلکا مساج کریں اور پانی سے دھو لیں۔

کدو کے بیج اور شہد کا آسان استعمال

کدوکے بیجوں کے استعمال کاایک اور آسان طریقہ یہ بھی ہے کہ آدھا چائے کا چمچ پسے ہوئے کدو کے بیجوں کو آدھا چائے کا چمچ شہد میں ملالیں اور اس پیسٹ کواپنے چہرے پر لگائیں،خشک ہونے کے بعد اسےنیم گرم پانی سے دھو ڈالیں۔ کدو کے بیجوں کو لگانے سے بہت زیادہ فائدہ ہوگا،اس کے علاوہ کدو کے بیجوں میں بادام کا تیل ملا کر بھی فیس پیک بنایا جا سکتا ہے۔

 کدو کے بیجوں کا زیادہ استعمال نقصان دہ ہو سکتا ہے، خاص طور پر اگر آپ کو کسی قسم کی الرجی ہے، ہمیشہ کسی بھی نئے غذائی جزو کا استعمال شروع کرنے سے پہلے ڈاکٹر یا ماہر غذائیت سے مشورہ کریں۔