بگ باس 18 کا تاج کرن ویر مہرا کے سر سج گیا
ساڑھے 3 ماہ سے زائد جاری مقابلے کے فاتح کو 50 لاکھ بھارتی روپے اور ٹرافی دی گئی
Stay tuned with 24 News HD Android App
(ویب ڈیسک)بھارتی ٹی وی اداکار کرن ویر مہرا نے معروف بھارتی ریئلٹی شو"بگ باس "سیزن 18 کا ٹائٹل اپنے نام کر لیا۔
بھارتی میڈیا کی رپورٹس کے مطابق کرن ویر مہرا نے بگ باس 18 کے فائنل میں ساتھی ویوین ڈسینا کو شکست دے کر ٹائٹل اپنے نام کیا،ساڑھے 3 ماہ سے زائد جاری رہنے والے اس مقابلے میں رجت دلال نے تیسری پوزیشن حاصل کی۔
بھارتی میڈیا کے مطابق ٹائٹل جیتنے والے کرن ویر مہرا کو 50 لاکھ بھارتی روپے کی انعامی رقم اور ایک چمچماتی ٹرافی دی گئی،اس سے قبل گزشتہ سال معروف بھارتی ریئلٹی شو"خطروں کے کھلاڑی" سیزن 14 کا ٹائٹل بھی کرن ویر مہرا نے اپنے نام کیاتھا ۔
بگ باس 18 کے فائنل میں کرن ویر مہرا،ویوین ڈسینا، رجت دلال، ایشا سنگھ، اویناش مشرا اور چم دارنگ سمیت 6 کنٹسٹنٹ پہنچے تھے۔
"بگ باس" میں فاتح کا انتخاب عوام کے ووٹوں کی بنیاد پر کیا جاتا ہے،اس کا گزشتہ سیزن کامیڈین منور فاروقی نے جیتا تھا۔