(روزینہ علی) قومی اسمبلی میں جولائی تا دسمبر2024 کے دوران مختلف ممالک کو برآمد کیے جانیوالے ترش آور فروٹ کی برآمدات کے حوالے سے ہونے والی آمدن کی تفصیلات پیش کر دیں گئیں، جس کے مطابق پاکستان کو 30 اعشاریہ 9 ملین ڈالر کی آمدنی ہوئی۔
قومی اسمبلی میں بتایا گیا ہے جولائی تا دسمبر 2024 کے دوران پاکستان نے کُل 105،690.3 میٹرک ٹن کھٹی پھل برآمد کیے،پاکستان کو اس سے 30 اعشاریہ 9 ملین ڈالر کی آمدنی ہوئی۔برآمد کی سب سے بڑی منزل افغانستان تھی اور ہمسایہ ملک نے 77،547.44 میٹرک ٹن فروٹ درآمد کی،افغانستان نے 16 اعشاریہ 72 ملین ڈالر کا حصہ ڈالا۔متحدہ عرب امارات نے ترش آور فروٹ9،173.09 میٹرک ٹن ترش آور فروٹ برآمد کیے، جس سے 3 اعشاریہ 99 ملین ڈالر آمدن ہوئی۔اسی طرح انڈونیشیا نے 6،384.01 میٹرک ٹن کھٹی پھل درآمد کیا اور 3 اعشاریہ 30 ملین ڈالر کا تعاون کیا۔اس کے علاوہ عمان اور سری لنکا جیسی منڈیوں نے بھی لیموں کی برآمدات کو برقرار رکھنے میں اہم کردار ادا کیا جبکہ یورپی ممالک اٹلی اور بیلجیئم نے بھی اعتدال پسند طلب کا مظاہرہ کیا۔
یہ بھی پڑھیں:سونے کی قیمت میں اضافہ ، چاندی میں کمی